墨城熱W見得光

2019-12-06 10:04:22 來源:網絡

射手占美麥卡倫弗到漏
今周澳職頭炮有墨爾本城主場鬥珀斯光輝。墨城強勁走勢未有減弱,頭號射手占美麥卡倫傷愈復出後頻頻入波,贏波籌碼進一步增加,對住狀態同信心都低迷嘅光輝,墨城有望再下一城,一於熱捧1.92倍主勝。

(myTV Gold 302臺、Now 639、有線615及655臺周五下午4時30分直播)

墨爾本城開咧至今7仗聯賽錄得5勝1和1負,積分榜僅落後榜首球隊FC悉尼,表現夠爭氣。墨城陣中最搶鏡肯定係今季大放異彩嘅射手占美麥卡倫,呢位袋鼠國土炮前鋒早前先至傷愈復出,迅速重拾射門鞋,近2仗狂轟5球,包括上場梅開二度弗到漏,幾乎以一己之力帶領墨城反勝西悉尼3比2。占美麥卡倫聯賽累積入球數字已達9球,腳風順到咁,今場墨城絕對有本錢再搶3分。

光輝缺態輸到慌
衛冕常規賽嘅光輝今季表現一蹶不振,近4場聯賽僅取1和3負,對住中岸水手同紐卡素噴射機等弱旅都贏唔到波,上季聯賽冠軍光環早已消失。今季7場聯賽光輝只係贏過1場,而且場場都有失波,今季佢哋雖然揾嚟前墨城射手科拿路利加盟,希望增強攻力,可惜呢位32歲老將至今僅入2球,狀態明顯不復當年勇,今場倒戈舊主睇怕難有作為。攻守兩端都遇到阻滯,光輝今場造訪聯賽3次主場出擊全勝嘅墨城,預計都係兇多吉少,寧願捧主勝好過。

河北20选5开奖结果查询